सल्यान । सल्यानमा मोटरसाइकल दुर्घटना हुँदा एक युवकको मृत्यु भएको छ । मृत्यु हुनेमा कुमाख गाउँपालिका – ७ तुरतुरे बस्ने बर्ष २६ का गोपाल डाँगी रहेका छ्न उनको मोटरसाइकल दुर्घटनामा परि मृत्यु भएको जिल्ला प्रहरी कार्यलय सल्यानले जनाएको छ ।
दार्मा गाउँपालिका ४ मौलाहाल्ने बजार स्थित सडक खण्डमा सोमबार साझ रा ७ प ४५५८ नम्बको मोटरसाइकल आफै अनियन्त्रित भई दुर्घटना भएको थियो । मोटरसाइकल दुर्घटना भै १०० मिटर तल गएको र उनको शरीरको विभिन्न भागमा चोटपटक लागेको थियो ।
दुर्घटनामा घाइते डाँगीको उपचारको क्रममा सोमबार राती १० बजे जिल्ला अस्पताल सल्यानमा मृत्यु भएको जिल्ला प्रहरी कार्यलय सल्यानका सूचना अधिकारी तथा प्रहरी निरीक्षक बाबुराम बस्नेतले जानकारी दिए ।
उनका अनुसार शवको जाँच प्रकृति मुचुल्का लगायत अनुसन्धान कार्य सम्पन्न गरी शव पोष्टमार्टमका लागि जिल्ला अस्पताल
सल्यानमा राखिएको छ ।
